साताका सात तस्बिर

उपत्यका आसपासको पर्यटकीय र रमणीय ठाउँमध्ये एक हो बल्थली । काभ्रेपलान्चोकको पनौती नगरपालिका ११ मा पर्ने बल्थली क्षेत्रीबाट देखिने हिमाली दृश्य मनामोहक छन् । गणेश, लाङटाङ, दोर्जे लाक्पालगायत हिमाल अवलोकन गर्न सकिने भएकाले यो क्षेत्र आन्तरिक तथा बाह्यक पर्यटकका लागि महत्वपूर्ण गन्तव्य बनेको छ ।

तस्बिरमा रामजानकी विवाहपञ्चमी महोत्सव

जनकपुरधाममा रामजानकी विवाहपञ्चमी महोत्सव आजदेखि विधिवत् शुभारम्भ भएको छ । सात दिवसीय यस महोत्सवअन्तर्गत आज पहिलो दिन नगर दर्शन कार्यक्रम छ ।नगर दर्शनमा भगवान् राम र लक्ष्मणको प्रतीकका रूपमा दुई बालकलाई जानकी मन्दिरको प्राङ्गणबाट मिथिलानगर घुमाइने मन्दिरका सह–महन्त रामरोशनदास वैष्णवले जानकारी दिनुभयो ।

मनाङमा हिउँ पर्न थाल्यो (फाेटाे फिचर)

हिमाली जिल्ला मनाङमा हिउँ पर्न थालेको छ । जिल्लाको माथिल्लो क्षेत्रमा बुधबार राति १२ बजेदेखि हिउँ पर्न थालेको स्थानीयले बताएका छन् । बिहीबार बिहानदेखि पनि पुनः हिउँ परिरहेको उनीहरुले बताएका छन् । स्थानीयका अनुसार दिउँसो केही समय रोकिए पनि पुनः हिउँ परेको हो । मनाङ ङिस्याङ गाउँपालिका अध्यक्ष कान्छा घलेका अनुसार हिमपात भइरहँदा चिसो बढेको छ । हिउँले डाँडाकाँडा सेताम्मे भएको छ । पानी पनि परिरहेको छ ।

तस्बिरमा पशुपति क्षेत्रमा शतबीज छरिदै

बालाचतुर्दशी पर्वका दिन आज बिहानै पशुपति क्षेत्रमा शतबीज छर्नेको भीड लागेको छ । प्रत्येक वर्ष मार्ग कृष्ण त्रयोदशीका दिन आफ्ना दिवङ्गत पितृका नाममा अखण्ड दीप तथा महादीप बालेर रातभरि जाग्राम बस्ने र बालाचतुर्दशीका दिन शतबीज छर्न पशुपति मन्दिरमा हजारौँको भीड लाग्ने गरेकाे छ । 

तस्बिरमा बाला चतुर्दशीका अबसरमा पशुपति क्षेत्र

दिवङ्गत पितृका नाममा महादीपदान गर्न आउने भक्तजनको आज पशुपति क्षेत्रमा भीड लागेकाे छ । बेलुकी बत्ती बालिने भएपनि आज पशुपति क्षेत्रमा लाखौँ भक्तजन आउने भएकाले ठाउँको व्यवस्था गर्न बिहानैदेखि भक्तजन आएका हुन् । पशुपति क्षेत्रमा सहजरुपमा बत्ती बालेर बस्ने स्थान पाउन मुस्किल हुने गरेको छ