धार्मिक आस्थाकाआधारमा विभेद गर्नुहुँदैन : मन्त्री कार्की

सरकारका प्रवक्ता एवं सञ्चार तथा सूचना प्रविधिमन्त्री ज्ञानेन्द्रबहादुर कार्कीले धार्मिक आस्थाका अधारमा कसैमाथि विभेद गर्न नहुनेमा जोड दिनुभएको छ ।सुनसरीको भोक्राहा नरसिंह गाउँपालिका–१ मा निर्माणाधीन महर्षिमेही सन्तमत मन्दिर आज शिलान्यास गर्दै उहाँले समाजमा अनेक धर्म र जातजातिको बसोबास रहेकाले कसैमाथि विभेद गर्न नहुनेमा जोड दिनुभएको हो ।

एमाले स्थायी कमिटी बैठक बस्दै, चुनावी घोषणापत्र तयारी सम्बन्धमा छलफल हुने

प्रमुख प्रतिपक्षी दल नेकपा एमालेको पूर्वनिर्धारित कार्यतालिका अनुरुप स्थायी कमिटीको बैठक आइतबार दिउँसो ३ बजे बस्दैछ । बैठकमा वैशाख ३० गते हुन गइरहेको स्थानीय तहको सन्दर्भमा चुनावी घोषणापत्र तयारी सम्बन्धनमा छलफल हुने एमाले केन्द्रीय कार्यालय सचिव डा. भीष्म अधिकारीले बताउनुभयो ।

प्रधानमन्त्री रोजगार कार्यक्रमको बजेट दुरुपयोग भयो : प्रवक्ता डा महत

नेपाली काँग्रेसका प्रवक्ता डा प्रकाशशरण महतले प्रधानमन्त्री रोजगार कार्यक्रमको बजेट दुरुपयोग भएको बताउनुभएको छ । आज यहाँ शिवपुरी गाउँपालिकाद्वारा निर्मित भवन उद्घाटन कार्यक्रममा उहाँले भन्नुभयो, “यसअघिको ओली सरकारले ल्याएको प्रधानमन्त्री रोजगार कार्यक्रमको रु १९/२० अर्ब रकमको व्यापक दुरुपयोग भएको छ, यसबाट कुनै रोजगारी सिर्जना भएको छैन ।”

परराष्ट्रमन्त्री खड्का र चिनियाँ विदेशमन्त्री यीबीच भेटवार्ता

परराष्ट्रमन्त्री डा. नारायण खड्काले चिनियाँ विदेशमन्त्री वाङ यीसँग भेटवार्ता गर्नुभएको छ। शनिबार सिंहदरबारमा परराष्ट्रमन्त्री खड्काले तीन दिने भ्रमणका लागि शुक्रबार नेपाल आउनुभएका चिनियाँ विदेशमन्त्री वाङसँग भेट गर्नुभएको हो। परराष्ट्रमन्त्री खड्कासँग भेट गर्दै वाङ यीले औपचारिक भेटवार्ता सुरु गर्नुभएको हो।

निर्धारित समयमै स्थानीय तहको निर्वाचन हुन्छः प्रधानमन्त्री देउवा

प्रधानमन्त्री शेरबहादुर देउवाले तोकिएको समयमै स्थानीय तहको निर्वाचन हुने बताउनुभएको छ। ललितपुरको पाटनस्थित पुनःनिर्माण गरी बनाइएको भिमसेन मन्दिरको उद्घाटन गर्दै उहाँले तोकिएको समयमै स्थानीय तहको निर्वाचन सम्पन्न गराउनका लागि सरकारले आवश्यक तयारी थालेको बताउनुभएको हो। प्रधानमन्त्री देउवाले अहिलेको सरकारलाई तीनै तहको निर्वाचन गर्ने कार्यभारसमेत रहेको उल्लेख गर्दै भयरहित, स्वच्छ निर्वाचन गर्नु अहिलेको...