निर्वाचनका लागि कल सेन्टर सञ्चालन

निर्वाचन आयोगले निर्वाचन प्रयोजनका लागि मंगलबारदेखि कल सेन्टर सञ्चालनमा ल्याएको छ। आयोगका प्रमुख निर्वाचन आयुक्त दिनेशकुमार थपलियाले कल सेन्टरको उद्घटन गर्नुभएको हो। उद्घाटनसँगै टोल फ्री नम्बर ११०२ सहित कल सेन्ट सञ्चालनमा आएको छ। आगामी वैशाख ३० गते स्थानीय तहको निर्वाचन एकसाथ हुँदैछ। निर्वाचन अगाडि आयोगले कल सेन्टर सञ्चालनमा ल्याएको हो।

आर्थिक उन्नतिका लागि एमाले जित्नु पर्छ : अध्यक्ष ओली

नेकपा (एमाले) का अध्यक्ष केपी शर्मा ओलीले एमालेको विजय देशको आर्थिक सामाजिक उन्नतिका लागि आवश्यक रहेको बताउनु भएको छ । एमाले कपिलवस्तुद्वारा आयोजित पार्टी प्रवेश तथा वृहत जनसभा कार्यक्रममा सोमबार यहाँ अध्यक्ष ओलीले सो कुरा बताउनुभयो ।

गठबन्धनबारे सैद्धान्तिक निर्णय गर्नुपर्ने सुझाव पेश, बैठक भोलि पुनः बस्ने

सत्तारुढ दल नेपाली काँग्रेसको जारी केन्द्रीय कार्य समितिको बैठकमा स्थानीय तहको निर्वाचन र गठबन्धनका दलहरुबीचको चुनावी तालमेलका सन्दर्भमा सैद्धान्तिक निर्णय गर्नुपर्ने सुझाव प्राप्त भएको छ ।

राप्रपाको केन्द्रीय कार्य सम्पादन समिति गठन

राष्ट्रिय प्रजातन्त्र पार्टी (राप्रपा) को केन्द्रीय कार्य सम्पादन समिति गठन गरिएको छ । राप्रपा अध्यक्ष राजेन्द्र लिङ्देनले पार्टीको विधान बमोजिम सो समिति गठन गर्नुभएको पार्टी प्रवक्ता एवम् प्रचार विभाग प्रमुख मोहन श्रेष्ठले जानकारी दिनुभयो । अध्यक्ष लिङ्देनसहित उपाध्यक्षहरु बुद्धिमान तामाङ, विक्रम पाण्डे, ध्रुवबहादुर प्रधान, रोशन कार्की, हेमजङ्ग गुरुङ, मुकुन्द श्याम गिरी उक्त समितिमा हुनुहुन्छ ।

लमजुङमा १२ दल दर्ता

आगामी वैशाख ३० गते हुने स्थानीय तह निर्वाचनका लागि लमजुङमा १२ वटा दल दर्ता भएका छन् । जिल्ला निर्वाचन कार्यालय लमजुङका अनुसार राष्ट्रिय मान्यता प्राप्त छ वटा ठूला दलबाहेक १२ दले निर्वाचनका लागि चिह्न लिन कार्यालयमा दल दर्ता गराएका हुन् ।