नेपालमा कम्युनिष्टको आवरणमा तानाशाहको उदय भयो : अध्यक्ष नेपाल

नेपाल कम्युनिष्ट पार्टी (एकीकृत समाजवादी)का अध्यक्ष माधवकुमार नेपालले मुलुकमा कम्युनिष्टको आवरणमा तानाशाहको उदय भएकाले त्यसविरुद्ध जनमत सिर्जना गर्न एकीकृत समाजवादी गठन भएको बताउनुभएको छ। समाजवादी प्रेस सङ्गठन नेपालको प्रथम विस्तारित बैठकको समापन समारोहमा आज उहाँले पात्रको विकृत मानसिकता भएमा समाजवाद वा साम्यवादको आवरणमा तानशाह जन्मने गरेको विश्वमञ्चमा दृष्टान्त रहेको उल्लेख गर्नुभयो।

राप्रपा केन्द्रीय सल्लाहकार समितिको अध्यक्षमा निरञ्जन थापा मनोनित

राष्ट्रिय प्रजातन्त्र पार्टी (राप्रपा) को केन्द्रीय सल्लाहकार समितिको अध्यक्ष पदमा पूर्वमन्त्री एवम् केन्द्रीय सदस्य निरञ्जन थापा (रुपन्देही) मनोनित हुनुभएको छ। राप्रपा अध्यक्ष राजेन्द्र लिङ्देनले पार्टीको विधान बमोजिम थापालाई सो पदमा मनोनयन गर्नुभएको प्रवक्ता एवम् प्रचार विभाग प्रमुख मोहन श्रेष्ठले जानकारी दिनुभयो। 

एमालेले चुनावी घोषणापत्रको मस्यौदामाथि सुझाव संकलन गर्ने

प्रमुख प्रतिपक्षी दल नेकपा (एमाले)को स्थायी कमिटीको बैठकले स्थानीय तहको चुनावी घोषणापत्रको मस्यौदामाथि थप सुझाव संकलन गर्ने निर्णय गरेको। आइतबार काठमाडौंमा बसेको स्थायी कमिटी बैठकले यस्तो निर्णय गरेको प्रचार विभाग प्रमुख पृथ्वीसुब्बा गुरुङले जानकारी दिनुभयो।

काँग्रेस केन्द्रीय कार्यसमिति बैठक सोमबार पुनः बस्ने

आइतबार बसेको नेपाली कांग्रेस केन्द्रीय कार्यसमितिको बैठक सकिएको छ। सोमबार पुनः बस्नेगरी आइतबारको बैठक सम्पन्न भएको मुख्य सचिव कृष्णप्रसाद पौडेलले जानकारी दिनुभयो। पार्टी सभापति शेरबहादुर देउवाको सभापतित्वमा पार्टीको केन्द्रीय कार्यालय, वीपी स्मृति भवन, सानेपामा बसेको बैठकमा केन्द्रीय सदस्यले धारणा राख्नुभएको छ।

एमाले स्थायी कमिटी बैठक सुरु

प्रमुख प्रतिपक्षी दल नेकपा एमालेको स्थायी कमिटीको बैठक सुरु भएको छ। एमालेको पोलिट्ब्यूरो, केन्द्रीय कमिटीको बैठकले गरेका निर्णयको कार्यान्वयन सम्बन्धमा स्थायी कमिटी बैठकमा छलफल हुँदैछ। चिनियाँ विदेशमन्त्री वाङ यी सँगको भेटमा भएको कुराकानीबारे ब्रिफिङ गर्नुहुँदै पार्टी अध्यक्ष केपी ओलीले स्थायी कमिटीको बैठक प्रारम्भ गर्नुभएको हो।