७१ निर्वाचन आयुक्त हटाएर नयाँ नियुक्ति

निर्वाचन आयोगले ७१ निर्वाचन आयुक्तलाई हटाएर नयाँ नियुक्त गरेको छ। बिहीबार नियमित पत्रकार सम्मेलनमा आयोगका सहायक प्रवक्ता सूर्यप्रसाद अर्यालले ७१ जना निर्वाचन अधिकृले विभिन्न कारण देखाएर काम गर्न नसक्ने निवेदन दिएपछि उहाँहरुलाई हटाएर नयाँ आयुक्तलाई नियुक्त गरिएको जानकारी दिनुभयो।

केन्द्रीय पर्यवेक्षकको उपस्थितिमा सबै जिल्लामा लोसपाको विस्तारित बैठक

लोकतान्त्रिक समाजवादी पार्टी (लोसपा)ले सबै जिल्लामा केन्द्रीय पर्यवेक्षकको उपस्थितिमा विस्तारित बैठकको आयोजना गरेको छ। वैशाख ३० गते हुने स्थानीय तहको निर्वाचन प्रयोजनाका निम्ति सबै जिल्लामा विस्तारित बैठकको गरेको हो। बैठकले वडा र पालिकाबाट सम्भावित उम्मेदवारको सूची सिफारिस गर्ने मोडालिटीका विषयमा छलफल गरेको लोसपा कार्यकारिणी सदस्य केशव झाले जानकारी दिनुभयो।

चुनाव अग्रगमन र प्रतिगमनको लडाइँ हो : प्रचण्ड

सत्ता साझेदार दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले आगामी निर्वाचन सामान्य निर्वाचन मात्र नभई न्याय र अन्याय, अग्रगमन र प्रतिगमन बीचको लडाइँ भएको बताउनुभएको छ। बिहीबार सिराहामा आयोजित सहिद रामप्रताप साह प्रवेशद्वार तथा नगर अस्पताल भवन शिलान्यास कार्यक्रममा उहाँले देशमा संविधान र गणतन्त्र उल्ट्याउन दक्षिणपन्थी र हिजोका राजावादीबीच साँठगाँठ बढेको पनि बताउनुभयो।

समृद्ध नेपाल निर्माणका लागि एमाले प्रतिबद्ध छः अध्यक्ष ओली

नेकपा (एमाले)का अध्यक्ष केपी ओलीले मुलुकको विकास र समृद्धिका लागि स्थानीय तहको निर्वाचनमा जनताले एमालेलाई नेतृत्वमा पुर्‍याउने बताउनुभएको छ। नेकपा एमाले, बाँकेले नेपालगञ्जमा बिहीबार आयोजना गरेको अगुवा कार्यकर्ता भेला एवं पार्टी प्रवेश कार्यक्रममा उहाँले समृद्ध नेपाल निर्माणका लागि एमाले प्रतिबद्ध रहेको बताउनुभएको हो। अध्यक्ष ओलीले अहिले मुलुकको अर्थतन्त्र सङ्कटमा परेको उल्लेख गर्दै लगानी गर्ने पूँजी नभएकाले...

‘स्थानीय तहमा आवश्यकता अनुसार गठबन्धन हुन्छ’

संस्कृति, पर्यटन तथा नागरिक उड्डयनमन्त्री प्रेमबहादुर आलेले आगामी वैशाख ३० गते हुन गइरहेको स्थानीय तहको निर्वाचनमा आफ्नो पार्टीले मुद्दा र आवश्यकताका आधारमा चुनावी गठबन्धन गर्ने बताउनुभएको छ। छैटौँ भक्तपुर औगोगिक सांस्कृतिक पर्यटन तथा व्यापार महोत्सवमा मन्त्री आलेले स्थानीय तहको निर्वाचनमा गठबन्धन बनाएर चुनावमा जाने बताउनुभयो। ‘स्थानीय तहको निर्वाचनमा आवश्यकता अनुसार गठबन्धन हुन्छ’, मन्त्री आलेले भन्नुभयो।...