न्यायाधीश गौतमविरुद्ध चलाइएको भ्रष्टाचार मुद्दा बदर

बालुवाटारस्थित ललितानिवास जग्गा प्रकरणमा भ्रष्टाचारको अभियोग लागेका चितवन जिल्ला अदालतका न्यायाधीशविरुद्ध चलाइएको मुद्दा सर्वोच्च अदालतले बदर गरेको छ। न्यायाधीश डा. आनन्दमोहन भट्टराई, अनिलकुमार सिन्हा र बमकुमार श्रेष्ठको पूर्ण इजलासले चितवन जिल्ला अदालतका न्यायाधीश विनोदकुमार गौतमको माग बमोजिम मुद्दा बदर गरिदिएको हो।

विमानस्थल सुरक्षा कमजोरी : गृह मन्त्रालयले बनायो ९ सदस्यीय छानबिन समिति

गृह मन्त्रालयले त्रिभुवन अन्तर्राष्ट्रिय विमानस्थलको सुरक्षा अवस्था, कमजोरी र सुधारको अध्ययनका लागि छानबिन समिति बनाएको छ। फागुन ९ गते विमानस्थलबाट कतारको दोहा उड्न लागेको विमानमा बिना भिसा एक व्यक्ति पुगेको विषय ध्यानाकर्षण भएको भन्दै मन्त्रालयले छानबिन समिति बनाएको हो।

एमालेले साढे १२ बजे आयोगमा दल दर्ता गर्दै

प्रमुख प्रतिपक्षी दल नेकपा एमालेले केही बेरमा दल दर्ता गराउन निर्वाचन आयोग जाने भएको छ । स्थानीय तहको निर्वाचन प्रयोजनका लागि आयोगमा दल दर्ता गराउन लागिएको एमाले प्रचार विभागका उपप्रमुख विष्णु रिजालले बताउनुभयो ।

एमाले अध्यक्ष ओली साढे १० बजे पोखरा जानुहुँदै, संसद् बैठकमा सहभागी नहुने

प्रमुख प्रतिपक्षी दल नेकपा एमाले अध्यक्ष केपी शर्मा ओली शुक्रबार बिहान साढे १० बजे पोखरा जानुहुने भएको छ । एमाले गण्डकी प्रदेश कमिटीद्धारा आयोजित पार्टी प्रवेश कार्यक्रममा सहभागी हुन उहाँ अहिले जाने तयारीमा रहनुभएको अध्यक्ष ओलीका प्रेस संयोजक रामशरण बजगाँईले जानकारी दिनुभयो ।

बालुवाटारमा प्रधानमन्त्री देउवा र एमाले अध्यक्ष ओली छलफलमा

प्रधानमन्त्री शेरबहादुर देउवा र प्रमुख प्रतिपक्षी दल नेकपा (एमाले) अध्यक्ष ओलीबीच बालुवाटारमा छलफल सुरु भएको छ। प्रधानमन्त्री देउवा र एमाले अध्यक्ष ओलीबीच प्रधानमन्त्री निवास बालुवाटारमा भर्खर छलफल सुरु भएको हो। प्रधानमन्त्री देउवाका प्रेस संयोजक गोविन्द परियारका अनुसार ओली बालुवाटार पुगेपछि भर्खरै छलफल सुरु भएको हो।