संसद्‍ बैठकको कार्यसूची : शुक्रबार एमसीसीमाथि छलफल हुने

शुक्रबारको प्रतिनिधिसभा बैठकको कार्यसूची सार्वजनिक भएको छ। संघीय संसदका महासचिव डा. भरतराज गौतमले शुक्रबारको बैठकको कार्यसूची सार्वजनिक गर्नुभएको हो। शुक्रबार दिउँसो १ बजे बस्ने बैठकमा प्रधानमन्त्री शेरबहादुर देउवाले ‘महान्यायाधिवक्ताको वार्षिक प्रतिवेदन प्रस्तुत गर्नुहुनेछ। देउवाले महान्यायाधिवक्ताको वार्षिक प्रतिवेदन, आर्थिक वर्ष २०७७ ७८ पेश गर्नुहुनेछ।

प्रधानमन्‍त्री देउवा र एमाले अध्यक्ष ओलीबीच बानेश्वरमा छलफल

नयाँ बानेश्वरमा प्रधानमन्त्री शेरबहादुर देउवाले प्रमुख प्रतिपक्षी दलका नेतासँग छलफल गर्नुभएको छ। बिहीबारका लागि तय भएको प्रतिनिधिसभा बैठक स्थगित भएपछि बानेश्वरमा छलफल भएको हो। प्रधानमन्त्री देउवाले बानेश्वरस्थित संघीय संसद भवनमा प्रतिपक्षी दल नेकपा (एमाले)का अध्यक्ष केपी ओलीसहित शीर्ष नेतासँग छलफल गर्नुभएको हो।

एमसीसी संशोधन हुनुपर्छ : भीम रावल

प्रमुख प्रतिपक्षी दल नेकपा (एमाले) नेता भीम रावलले अमेरिकी आर्थिक सहायता मिलिनियम च्यालेन्ज कर्पोरेशन (एमसीसी)का केही प्रावधान संशोधन नगरी अनुमोदन गर्न नसकिने बताउनुभएको छ। शुक्रबार प्रतिनिधिसभाको बैठक स्थगित भएपछि पत्रकारसँग कुराकानी गर्दै रावलले यस्तो बताउनुभएको हो। पार्टीले २००६ सालदेखि राष्ट्रियताको झण्डालाई बुलन्द गर्दै आएको एमालेको नीति अनुरुप एमसीसी अगाडि बढाउन नसकिने उहाँको भनाइ छ।

अन्तर्राष्ट्रिय र क्षेत्रीय सुरक्षामा सचेत रहन प्रधानमन्त्रीको निर्देशन

प्रधानमन्त्री एवं रक्षामन्त्री शेरबहादुर देउवाले देशको संवेदनशील भू–राजनीतिक अवस्थितिका कारण अन्तर्राष्ट्रिय र क्षेत्रीय सुरक्षा वातावरणमा आएको सानो परिवर्तनले समग्र सुरक्षा क्षेत्रमा असर पर्ने बताउनुभएको छ। यसका लागि सचेत रहन उहाँले निर्देशनसमेत दिनुभएको छ।

रूपान्तरणकारी योजना अघि सार्दै गृह मन्त्रालय

...