लोसपाले एमसीसीको पक्षमा मतदान गर्ने

लोकतान्त्रिक समाजवादी पार्टी (लोसपा)ले अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) पक्षमा मतदान गर्ने निर्णय गरेको छ । बुधबार बबरमहलस्थित पार्टी केन्द्रीय कार्यालयमा बसेको संसदीय दलको बैठकमा लोसपाका सांसदले एमसीसीको पक्षमा मतदान गर्नुपर्ने बताउनुभएको पार्टीका कार्यकारिणी सदस्य केशव झाले जानकारी दिनुभयो ।

संसद्‍ बैठकमा अनिवार्य उपस्थित हुन काँग्रेसको निर्देशन

सत्तारुढ दल नेपाली काँग्रेसले प्रतिनिधिसभाको बैठकमा अनिवार्य उपस्थित हुन आफ्ना सांसदलाई निर्देशन दिएको छ। काँग्रेस संसदीय दलकी प्रमुख सचेतक पुष्पा भुसालले बिहीबार दिउँसो १ बजे बस्ने संसद् बैठकमा सांसदलाई अनिवार्य उपस्थित हुन निर्देशन दिइएको जानकारी दिनुभयो।

अत्यावश्यक कामबाहेक युक्रेनमा नबस्नू : परराष्ट्र मन्त्रालय

परराष्ट्र मन्त्रालयले अति आवश्यक कामबाहेक युक्रेनमा नबस्न अनुरोध गरेको छ । बुधबार मन्त्रालयले युक्रेनमा बसोबास गर्ने वा भ्रमणमा जाने नेपालीका लागि जरुरी सूचना सार्वजनिक गर्दै यस्तो बताएको हो । अत्यावश्यक परेर त्यहाँ बस्नु परेमाबाहेक उपलब्ध व्यवसायिक हवाई उडानको उपयोग गरेर स्वदेश फर्किन मन्त्रालयले अनुरोध गरेको छ ।

माग पूरा नभएसम्म एमाले संसदीय छलफलमा भाग लिँदैन : पूर्वमन्त्री अर्याल

नेकपा (एमाले) का सचिव एवम् पूर्वमन्त्री पद्माकुमारी अर्यालले एमाले संसदमा पेश हुने कुनै पनि विषयको छलफलमा सहभागी नहुने बताउनुभएको छ । प्रेस चौतारी नेपाल म्याग्दी शाखाले आयोजना गरेको पत्रकार भेटघाट तथा अन्तरक्रियामा सहभागी हुँदै पूर्वमन्त्री अर्यालले संसदमा पेस भएका कुनै पनि विधेयक तथा छलफलमा एमाले सहभागी नहुने बताउनुभयो ।

काँग्रेस पदाधिकारी बैठक बस्दै

सत्ता साझेदार दल नेपाली काँग्रेसको पदाधिकारी बैठक बुधबार दिउँसो साढे १ बजेदेखि बस्दैछ ।