कणाद महर्षि
मैले सोधेँ माटोलाई
के थामेर आयौ ?
उसले मलाई उभ्याएर भन्यो
हावा र पानीलाई ओरालेर आएँ !
सोधेँ पानीलाई
के रुझाएर आयौ ?
मलाई पखालेर भन्यो
माटो र हावालाई नुहाएर आएँ !
सोधेँ प्रकाशलाई
के छरेर आयौ ?
मलाई उज्यालो ओढाएर भन्यो
कान्ति बाँडेर आएँ !
सोधेँ हावालाई
के सुसाएर आयौ ?
मलाई सास फेराएर भन्यो
माटो, पानी र प्रकाशबाट बतासिएर आएँ !
सोधेँ गगनलाई
किन उदाङ्ग भएर आयौ ?
मलाई नङ्ग्याएर भन्यो
सर्वव्यापक भएर आएँ !
उत्तरहरू सुनेर म स्वयं
प्रकृतिमा रमाउँदै,
पाँच तìव भोग्दै आएँ ।
