गोरखापत्र अनलाइन
काठमाडौँ, भदौ १८ गते । रातो मच्छिन्द्रनाथ (करुणामय) को रथ तान्ने विषयमा दुई पक्षबीच झडप हुँदा एकजना प्रहरी र एक स्थानीयवासी घाइते भएका छन् । निषेधाज्ञा उल्लङ्घन गर्दै जबरजस्ती रथ तान्न खोज्दा झडप भएको महानगरीय प्रहरी परिसर ललितपुरका प्रहरी उपरीक्षक सन्तोष तामाङले जानकारी दिनुभयो ।
घाइते प्रहरीको अल्का हस्पिटलमा र अर्का घाइते स्थानीयको पाटन हस्पिटलमा उपचार भइरहेको उहाँले गोरखापत्र अनलाइनलाई जानकारी दिनुभयो । अहिले रथ बाटोमै अलपत्र परेको उहाँले जानकारी दिनुभयो । झडपको विषयमा प्रशासन र सरोकारवाला निकायबीच सर्वपक्षीय बैठक बसिरहेको समेत उहाँले जानकारी दिनुभयो ।
याे पिन पढ्नुहाेस्
मच्छिन्द्रनाथको जात्राबारे सहमति, छोटो कार्यविधिबाट जात्रा मनाइने...
तस्बिर: सुजन गुरूङ
