कुवामा डुबेर महिलाको मृत्यु

तनहुँमा एक महिला कुवामा डुबेर मरेको अवस्थामा फेला परेको छ । भिमाद नगरपालिका– ३ माझकोट पिपल भञ्ज्याङमा स्थानीयले पानी खाने कुवामा पानीको कुवामा डुबेर ४६ वर्षीया यमकुमारी थापाको मृत्यु भएको अवस्थामा भेटिएको प्रहरीले जनाएको छ ।

गर्भवतीलाई पोषण कोसेली

गर्भावस्थामा ध्यान दिनुपर्ने खानपिन, स्वास्थ्य सरसफाइ सम्बन्धी जनचेतना अभिवृद्धि गर्दै पुस्तांै पुस्ताको न्यून पोषण चक्रलाई तोड्न गर्भवतीमाई पोषण कोशीले सँगै धोती उपहार दिएको छ । स्वास्थ्य नागरिक समृद्ध नगर भन्ने नारालाई आत्मसाथ गर्दै नगरपालिकाले गर्भवती महिलासँग उपमेयर’ कार्यक्रममार्फत् नगरपालिकाका ११ वडाका गर्भवती महिलालाई पोषणको कोसेली र धोती उपहार दिएको छ ।

दुईसय वर्ष पुरानो इतिहास बोकेको समय् फल्चा पुनःनिर्माण सम्पन्न

पुल्चोकस्थित हरेक वर्ष रातो मच्छिन्द्रनाथको रथ निर्माण गर्ने केही पर रहेको दुईसय वर्ष पुरानो इतिहास बोकेको समय् फल्चाको पुनःनिर्माण सम्पन्न भएको छ । ललितपुर महानगरपालिकाका प्रमुख चिरीबाबु महर्जनले पुल्चोक टोल सुधार समितिद्वारा आज यहाँ आयोजित एक कार्यक्रमका बीच सो फल्चाको शिलालेखको अनावरण गर्नुभयो ।

दक्षिण एसियामा सबैभन्दा बढी खुसी देश नेपाल र नेपाली

सबैभन्दा बढी खुसी हुने देशको रुपमा नेपाल दक्षिण एसियामा पहिलो भएको छ । सन् २०१९ देखि २१ सम्ममा गरिएको सर्वेक्षणमा वल्र्ड ह्यापिनेस प्रतिवेदनअनुसार नेपाल यस क्षेत्रमा पहिलो भएको हो । नेपाल विश्वमा ८४ औं स्थानमा परेको छ । त्यसपछि बंगलादेश (९४), पाकिस्तान (१२१), श्रीलंका (१२७), भारत (१३६) र अफगानिस्तान (१४६) अन्तिममा रहेका छन् । १४६ वटा देशहरुको वर्गीकरणमा भूटान र माल्दिभ्सलाई समावेश गरिएको छैन ।

विद्यार्थीलाई परम्परागत सीप सिकाउँदै विद्यालय

तनहुँको एक सामुदायिक विद्यालयले विद्यार्थीलाई लोपोन्मूख परम्परागत जीवन उपयोगी सीप सिकाइरहेको छ । यस्तो सीप सिकाउने विद्यालयमा म्याग्दे गाउँपालिका–१ मानहुँ स्थित विजय आधारभूत विद्यालय रहेको छ । सो विद्यालयले परम्परागत सीप अन्तर्गत हाल गुन्द्री बुन्ने सीप प्रदान गरिरहेको छ । स्थानीय रितिमाया थापा मगरले सीप सिकाईरहनु भएको छ । जोस, जाँगरका साथ विद्यार्थी पनि सिकिरहेका छन् ।