ज्येष्ठ नागरिकका लागि मिलनकेन्द्रदेखि स्वास्थ्य उपचारसम्मका कार्यक्रम

रुपन्देहीका अधिकांश पालिकाहरुले जेष्ठ नागरिकलाई लक्षित गर्दै विभिन्न कार्यक्रम कार्यान्वयनमा ल्याएका छन् । खासगरी जेष्ठ नागरिक ग्रामदेखि लिएर दिवा विश्राम गृह, जेष्ठ नागरिक कल्याण कार्यक्रम समेत पालिकाहरुले आ–आफ्नो अनुकुलतामा बजेट बिनियोजन गरेर कार्यान्वयनमा ल्याएका छन् । त्यस्तै स्थानीय तहहरुले जेष्ठ नागरिक परिचयपत्र पनि प्रदान गर्दै आएका छन् ।

वंशानुगत र मानसिक कारण : चिकित्सक; व्यावहारिक र सामाजिक कारण : प्रहरी

गत मङ्गलबार मात्रै काठमाडौंको नागार्जुन–६ रामकोट डाँडापौवामा भएको सामूहिक विष सेवन घटनामा सुसाइड नोट भेटिएको थियो । प्रहरीका अनुसार काठमाडौं–१५ डल्लु स्थायी घर भएका पाँच जनाको परिवार रामकोटमा डेरा गरी बस्दै आउनुभएको थियो । घटनामा ३८ वर्षीय भीममान प्रधान, ६२ वर्षीया आमा इन्दिरामाया, ३५ वर्षीया श्रीमती मन्दिरा प्रधान, ११ वर्षीया छोरी सुप्रिना र ३३ वर्षीय भतिज सुवर्णमान प्रधानले सोमबार राति विष सेवन गरेको पाइएको...

इतुम्बहालमा ११ थकालीकाे स्थविराभिषेक

श्रीभाष्करदेव संस्कारीत केशचन्द्रकृत पारावत् महाविहार संरक्षण समाजको आयोजनामा इतुम्बहालमा स्थविराभिषेक (थाय्पा लुइगु) कार्यक्रम गरिएको छ । चार दिन चल्ने यस स्थविराभिषेक कार्यक्रम अन्तर्गत तेस्रो दिन  इतुम्बहालमा रहेका ११ खलकका ज्येष्ठ संघ सदस्यलाई स्थविराभिषेक गर्ने प्रचलन रहेको छ ।

पाल्पामा बस र माइक्रो ठोक्किँदा १३ जना घाइते

तानसेन–तम्घास सडकखण्डको रिब्दीकोटको सिरुखर्कमा बस र माइक्रो ठोक्किँदा १३ जना घाइते भएका छन् । आइतबार दिउँसो पाल्पाबाट गुल्मीतर्फ जाँदै गरेको लु १ ख ९७९४ नम्बरको बस र गुल्मीबाट पाल्पातर्फ आउदै गरेको बा ५ ख २२८७ नम्बरको माइक्रो ठोक्किएका हुन् । दुर्घटनाका घाइतेमध्ये तीन जनाको अवस्था गम्भीर रहेको प्रहरीले जनाएको छ । घाइतेको स्थानीय अस्पतालमा उपचार भइराखेको छ ।

तनहुँ दुर्घटना : उपचारको क्रममा तीन जनाको मृत्यु

पृथ्वी राजमार्गअन्तर्गत तनहुँको आँबुखैरेनी गाउँपालिका–२ ऐनापहरामा आइतबार दिउँसो भएको सवारी दुर्घटनामा तीन जनाको मृत्यु भएको छ। मृत्यु हुनेमा एक महिला र दुई पुरुष रहेको जिल्ला प्रहरी कार्यालय तनहुँले जनाएको छ। मृतकको नामथर वतन नखुलेको प्रहरी नायब उपरीक्षक युवराज खड्काले जानकारी दिनुभयो। दुर्घटनामा घाइते भएकालाई थप उपचारका लागि चितवन पठाइएकामा तीनको मृत्यु भएको जानकारी प्राप्त खड्काले बताउनुभयो।