काठमाडौँ, भदौ १७ गते । समुदाय–प्रहरी साझेदारी पालिका समिति चन्द्रागिरिको आयोजनामा फुटसल प्रतियोगिता हुने भएको छ ।
‘स्वास्थ्य र सम्बन्ध सुधारका लागि खेलकूद’ भने मूल नाराका साथ यही भदौ १८ देखि २० गतेसम्म उक्त प्रतियोगिता हुन लागेको हो ।
नगरपालिकाका युवा, कर्मचारी, जनप्रतिनिधि, सञ्चारकर्मीबीचको सम्बन्धलाई थप प्रगाढ बनाउन फुटसल प्रतियोगिताको आयोजना गर्न लागिएको महानगरीय प्रहरी वृत्त थानकोटका प्रहरी निरीक्षक गायत्रीराज शर्माले जानकारी दिनुभयो ।
चन्द्रागिरिको हाइभिजन फुटसल मैदानमा हुने उक्त प्रतियोगितामा १७ टोलीको सहभागिता रहने आयोजकले जनाएको छ ।
प्रतियोगितामा प्रथम, द्वितीय र तृतीय हुने टोलीलाई शिल, मेडल र प्रमाणपत्र साथै चौथो हुने टोलीलाई प्रमाणपत्र वितरण गरिने शर्माले बताउनुभयो ।
