गोरखापत्र अनलाइन
काठमाडौं, भदौ २२ गते । नेपाली महिला फुटबल समूहले नादेजा कपका आयोजक किर्गिकस्तानलाई दुर्ईका विरुद्ध आठ गोलले हराएको छ ।
आइतबार कारोकोलको सेन्ट्रल रंगशालामा भएको खेलमा स्टार खेलाडी सावित्रा भण्डारीले चार गोली गरी ह्याट्रिक गर्नुभयो ।
खेलको ४ मिनेटमा भण्डारीले नेपालको लागि पहिलो खाता खोल्नुभयो । त्यसपछि उहाँले खेलको १५ मिनेट, ३० मिनेट र ५४ मिनेटमा चार गोल गर्नुभयो ।
नेपाललाई विजय गराउन अनिता बस्नेतले २५ र ८९ आंै मिनेटमा दुई गोल गरेर योगदान दिनुभयो भने दीपा राईले २५ मिनेट, निरु थापाले ३७ मिनेटमा गोलको खाता खोल्नुभयो ।
सोमबार नेपालले उज्वेकिस्तानसँग सामना गर्ने गोलनेपालडटकमले जनाएको छ ।
