लीलाराज झापाली
बिर्तामोड, कात्तिक २१ गते । झापाको बिर्तामोड डोमालाल रङ्गशालामा जारी अन्नपूर्ण हाम्रो पूर्वाञ्चल गोल्डकपमा गोर्खा ब्वाइज स्पोर्टस क्लब बुटबललाई टाइब्रेकरमा पराजित गर्दै काठमाडौँको चर्च ब्वाइज युनाइटेड गोल्डकपको सेमिफाइनलमा प्रवेश गरेको छ ।
बिहीबार भएको अन्तिम क्वाटरफाइनल खेलको ट्राईब्रेकरमा ४–२ गोल अन्तरले पराजित गर्दै गोर्खा ब्वाइजले अन्तिम चारमा स्थान सुरक्षित गरेको हो । निर्धारित ८० मिनेटको खेलमा दुबै टोलीले समान १–१ गोल गरेपछि रेफ्रीले प्रतियोगिताको निर्णय ट्राईब्रेकरबाट गर्नुभएको थियो ।
टाइब्रेकरमा उत्कृष्ट प्रदर्शन गरेका चर्च ब्वाइजका गोलरक्षक विनय श्रेष्ठले खेलको म्यान अफ दी म्याच घोषित हँुदै नगद १० हजार रुपियाँ प्राप्त गर्नुभयो ।
दशवटा टिम सहभागी गोल्डकपमा शुक्रबार त्रिभुवन आर्मी क्लब र पाहुना टोली सिक्किम आक्रमण एफसीबीच पहिलो सेमिफाइनल खेल हुनेछ । गोल्डकपको विजेताले नगद १२ लाख ५० हजार पाउँदा उपविजेताले नगद ६ लाख २५ हजार रुपियाँसहित ट्रफी पाउनेछन् ।
२०८१ मंसिर ८ शनिवार
