गोरखापत्र अनलाइन
काठमाडौं, कात्तिक २२ गते । नेपालले म्यान्मार विरुद्धको मैत्रीपूर्ण खेलमा ३–० ले हार बेहोरेको छ । म्यानमारविरुद्ध उसको घरेलु मैदानमा उत्रिएको नेपाली फुटबल टोलीले मैत्रीपूर्ण खेलमा हार बेहोरेको हो ।
बिहीबार अबेर साँझ सम्पन्न खेलको पहिलो हाफमा २–० ले पछाडि परेको नेपाली टोलीले दोस्रो हाफमा समेत कमजोर प्रदर्शनलाई निरन्तरता दिएपछि थप एक गोल खानबाट जोगिएन । र म्यानमारबाट ३–० को पराजय भोग्नुपर्यो । म्यानमारले फ्रि किकमार्फत पहिलो गोल गरेको थियो । म्यनमारका फरवार्डले तीन डिफेन्डरलाई पेनाल्टी बक्सभित्र छकाएर गरेको प्रहार गोलकिपर विकेश कुथुले बचाउ गर्नुभयो । तर रिबाउन्डमा डिफेन्स चनाखो नहुँदा म्यानमारले गोल अग्रतालाई दोब्बर बनायो । दोस्रो हाफमा नेपालको पुनरागमनको प्रयास असफल रह्यो । र थप एक गोल खायो ।
नेपालले विश्वकप फुटबल २०२२ को छनोट अन्तगर्त मंसिर ३ गतेका लागि निर्धारित कुवेत विरुद्धको खेलको तयारी स्वरुप म्यानमारसँग मैत्रीपूर्ण खेल खेलेको हो । यसअघि सन २००८ मा पनि नेपालले म्यानमार विरुद्ध एएफसी च्यालेन्ज कपमा ३–० को हार बेहोरेको थियो ।
२०८१ मंसिर ८ शनिवार
