गोरखापत्र अनलाइन
काठमाडौं, कात्तिक २३ गते । अखिल नेपाल फुटबल संघ(एन्फा)ले १३ औं दक्षिण एसियाली खेलकूदका लागि राष्ट्रिय महिला टोलीको घोषणा गरेको छ । पोखरामा अभ्यासरत महिला टोलीबाट २० जना खेलाडीको घोषणा गरिएको हो ।
निरु थापाको कप्तानीमा घोषित टोलीको फरवार्डमा सवित्रा भण्डारी र अनिता केसी छन् । मिडफिल्डमा रेणुका नगरकोटी, दीपा राई, सरु लिम्बु, इन्दिरा राई, अनिता बस्नेत, मञ्जली योञ्जन र विमला चौधरी छन् ।
त्यसैगरी रक्षा पंक्तिमा गिता राना, पुमना जर्घा मगर, आरती जैसी, हिराकुमारी भुजेल, कविता धिमाल, मनमाया लिम्बु र पूजा रानाले स्थान सुनिश्चित गर्नुभएको छ । तीनजना गोलकिपरमा अञ्जली तुम्बापो सुब्बा, अञ्जना रानामगर, उषा नाथले स्थान सुनिश््िचत गर्नुभएको छ ।
महिला टोली चार महिनादेखि निरन्तर अभ्यासमा छन् । सागको तीनपटकको उपविजेता नेपाल १३ औं दक्षिण एसियाली खेलकूद प्रतियोगितामा स्वर्ण पदक जित्ने लक्ष्यसहित मैदानमा उत्रिनेछन् ।
२०८१ मंसिर ७ शुक्रवार
