एजेन्सी
काठमाडौं, मङ्सिर २ गते । ग्रीसका २१ वर्षिय स्टेफानोस सिटसीपास एटीपी टेनिसको उपाधि जित्नुभएको छ । प्रतियोगिताको आफ्नो पहिलो सहभागितामै सिटसीपस एटीपी उपाधि जित्नुभएको हो । उहाँले ४१ वर्षअघि सबैभन्दा कलिलो उमेरमा एटीपी उपाधि जित्ने जोन म्याकएनरोयको कीर्तिमान समेत भङ्ग गर्नुभएको छ । सिटसीपासको यो पहिलो सबैभन्दा ठूलो उपाधि हो ।
सिटसीपासले उपाधिको होडमा अष्ट्रियाका २६ वर्षिय डोमिनिक थिमलाई पराजित गर्नुभयो । लन्डनमा सम्पन्न खेलमा दर्शकको ब्यापक समर्थन पाएका थिमलाई सिटसीपासले ६–७(६–८), ६–२ ७–६६–७(७–४) को सेटमा पराजित गर्नुभयो । उपाधिको खेल करीब दुई घण्टा तीस मिनेट चलेको थियो ।
सिटसीपासले टेनिसका ‘ठूला तीन’ नोभाक जोकोभिच, राफल नाडल र रोजर फेडेररलाई हराएका हुन ।
