गोरखापत्र अनलाइन
काठमाडौं, मङ्सिर १७ गते । धाविका सन्तोषी श्रेष्ठले १३ औं दक्षिण एसियाली खेलकुद साग अन्तगर्त दौडमा स्वर्ण पदक दिलाउनुभएको छ । उहाँले दश हजार मिटरको दौडमा भारतीय खेलाडी कविता यादबलाई पछि पार्नुहुँदै स्वर्ण पदक जित्नुभएको हो ।
त्रिपुरेश्वरस्थित दशरथ रङ्गशालामा सम्पन्न खेलमा सन्तोषीले दश हजार मिटरको दौड ३५ मिनेट ७.९४ सेकेण्डमा पार गर्नुभएको छ । सन्तोषीले अन्तिम सेकेण्डमा कवितालाई पछि पार्नुभयो । दौडको अन्तिम संकेतमा दुबैले सँगै खुट्टा उचालेको देखिएपनि सन्तोषीले पहिलो टेक्दै मिलिसेकेण्डको अन्तरले स्वर्ण हात पार्नुभयो ।
२०८१ मंसिर ७ शुक्रवार
