गोरखापत्र अनलाइन
काठमाडौं, पुस १ गते । न्युरोड टिमले कतार एयरवेज सहिद स्मारक ए डिभिजन लिगको आफ्नो पहिलो खेलमा जित हात पारेको छ । उसले सरस्वती युथ क्लबलाई ४–० ले हराएको हो ।
सातदोबाटोस्थित एन्फा कम्प्लेक्समा सम्पन्न खेलमा न्युरोड टिमले उत्कृष्ट प्रदर्शन गर्दै पहिलो खेलमा जित हात पारेको हो । न्युरोडको जितमा सरोज तामाङले दुई तथा जुनियर र ओआनाले सामान एक एक गोल गर्नुभयो ।
न्युरोड टिमका लागि पहिलो हाफको ३५ औं मिनेटमा जुनियर ओगेंले हेडमार्फत् गोल गरेर १–० को अग्रता दिलाउनुभयो । कप्तान प्रकाश बुढाथोकीको कर्नरमा जुनियरले हेडमार्फत गोल गर्नुभयो । सरोज तामाङले खेलको ६९ औं मिनेटमा गोल थप्दै अग्रतालाई २–० पार्नुभयो । एरिक विष्टले ८१ औं मिनेटमा तेस्रो गोल गर्दा ९० औं मिनेटमा जोर्डन जुनियर निडेम्बाले गोल थप्दै सरस्वती क्लबमाथि न्युरोडको जितको अन्तर ४–० पार्नुभयो ।
२०८१ मंसिर ८ शनिवार
