गोरखापत्र अनलाइन
काठमाडौं, पुस ५ गते । जावलाखेल युवा क्लबले कतार एयरवेज सहिद स्मारक ए डिभिजन लिग फुटबल प्रतियोगिताको जारी संस्करणमा पहिलो जित हात पारेको छ । उसले सरस्वती युवा क्लबलाई हराएको हो ।
दशरथ रंगशालामा शनिबार सम्पन्न खेलमा जावलाखेलले सरस्वती युवा क्लबलाई १–० ले हराएको हो । खेलको दशौं मिनेटमा जुनियर वाम्वाले गर्नुभएको गोल नै खेलको अन्तिम तथा निर्णायक गोल रहन गयो । फोडे फोफानाले दुई डिफेन्डरलाई बिट गर्दै दिनुभएको पासमा वाम्वा पहिलोपटकमा असफल भएपनि दोस्रो प्रयासमा गोल गर्नुभयो ।
त्यसअघि खेल सुरु भएको पाँचौं मिनेटमै जावलाखेलले गोल गर्न पाएको अवसर खेर फालेको थियो ।
२०८१ मंसिर ८ शनिवार
