गोरखापत्र अनलाइन
काठमाडौं, पुस ९ गते । पोखरामा जारी प्रिमियर लिगमा बुटबल ब्लास्टर्सले बिराटनगर टाइटन्स समक्ष १३४ रनको लक्ष्य प्रस्तुत गरेको छ । बुटबलले प्ले अफमा स्थान सुरक्षित गर्न जारी खेलमा बिराटनगरलाई हराउनैपर्ने दबाब छ । बुटबललाई औसत योगफलसम्म पुर्याउन हर्ष टङ्कले विष्फोटक पारी खेल्दै ६७ रनको योगदान दिनुभयो ।
प्रिमियर लिगको १५ औं खेलमा बिराटनगरले ८ विकेटको क्षतिमा १३३ रनको योगफल तयार गरेको छ । बुटबलका लागि शिवम सिंहले ३७ रनको योगदान दिनुभयो । बिराटनगरका लागि मोहम्मद जाएद आलमले सर्वाधिक चार विकेट लिनुभयो । किशोर महतोले दुई तथा दिपेश श्रेष्ठ र शहाब आलमले एक एक विकेट लिनुभयो ।
२०८१ मंसिर ८ शनिवार
