गोरखापत्र अनलाइन
काठमाडौं, पुस १४ गते । सहिद स्मारक ए डिभिजन लिगमा मनाङ मस्र्याङ्दी क्लबले आफ्नो अपराजित यात्रालाई निरन्तरता दिएको छ । फ्रेन्ड्स क्लबसँग १–१ को बराबरी खेल्दै मनाङले अपराजित यात्रालाई जारी राख्दै अङ्क तालिकाको शिर्ष स्थानमा उक्लिएको छ ।
सातदोबाटोस्थित एन्फा कम्प्लेक्समा सम्पन्न चौथो चरणको दोस्रो खेलमा मनाङले खेलको सुरुवातमै फ्रेन्ड्स क्लबमाथि अग्रता बनायो । ११ औं मिनेटमा जगदीश श्रेष्ठको कर्नरमा रञ्जन विष्टले हेडमार्फत गोल गर्नुहुँदै मनाङलाई १–० को अग्रता दिलाउनुभयो । तर उक्त अग्रता मनाङले पहिलो हाफसम्म मात्रै जोगाउन सक्यो ।
६२ औं मिनेटमा उत्तम राईले गोल गर्नुहुँदै फ्रेन्ड्सलाई वापसी गराउँदै खेल १–१ को बराबरीमा ल्याउनुभयो । कर्नरबाट आएको बलमा उहाँले हेडमार्फत् गोल गर्नुभयो ।
२०८१ मंसिर ८ शनिवार
