एजेन्सी
काठमाडौं, पुस १७ गते । आर्सनलले म्यान्चेष्टर यूनाइटेडमाथि जित हात पारेको छ । माइकल अर्टेटाको आर्सनलले म्यान्चेष्टर यूनाइटेडमाथि २–० को जित हात पारेको हो ।
पाउल पोग्बा बिना नै मैदानमा उत्रिएको पाहुना टोली म्यान्चेष्टर यूनाइटेडको उत्कृष्ट सुरुवात गरेको थियो । तर खेलको आठौं मिनेटमा निकोलास पेपेले सिजनको पाँचौं गोल गर्दाआर्सनलले अग्रता लिन सफल भयो । सिड कोलासिनाकको क्रसलाई पेपेले दिशा दिनुहुँदै गोलमा परिणत गर्नुभयो ।
पहिलो हाफको अन्त्यसम्म खेललाई नियन्त्रणमा राखेको आर्सनलले ४२ औं मिनेटमा अग्रतालाई दोब्बर पार्यो । पेपेको कर्नरलाई गोलपोष्ट नजिकैबाट सोक्राटिस पापास्थापौलसले गर्नुभएको प्रहारलाई गोलमा परिणत गर्नुभयो । हारसँगै म्यान्चेष्टर यूनाइटेड पाँचौं स्थानमा पुगेको छ । ब्राइटनसँग १–१ को बराबरी खेलेको चेल्सीभन्दा यूनाइटेड पाँच अङ्कले पछाडि रहेको छ ।
जितसँगै आर्सनल सातपटकसम्म घरेलु मैदानमा हारको श्रृखंला पनि तोडेको छ । आर्सनल दशौं स्थानमा उक्लिएको छ । यूनाइटेडभन्दा ऊ चार अङ्कले पछाडि परेको छ । यद्दपी ऊ रेलिगेशन नजिक छ ।
बिहीबार नै सम्पन्न प्रिमियर लिगका अन्य खेलहरुमा बर्नलीले आष्टन भिल्लासँग १–२ ले पराजित भयो । लेसेस्टरले न्यु कैसलमाथि ३–० को जित हात पार्दा साउथम्पटनले टोट्टनहममाथि १–० ले जित हात पार्यो ।
त्यसैगरी, वार्टफोर्डले वल्भ्समाथि २–१ को जित निकाल्यो । म्यान्चेष्टर सिटिले इभर्टनमाथि २–१ को जित हात पार्दा नोर्विचले क्रिष्टल पैलेससँग १–१ को बराबरी खेल्यो । वेष्टहमले बौर्नमाउथमाथि ४–० को विशाल अन्तरको जित हात पार्न सफल भयो ।
२०८१ मंसिर ८ शनिवार
