एजेन्सी
काठमाडौं, पुस १८ गते । अष्ट्रेलियाले न्युजिल्याण्ड विरुद्धको तेस्रो तथा अन्तिम टेष्ट खेलको पहिलो पारीमा बलियो स्थितिमा पुगेको छ । मार्नस लबुस्नेले अविजित शतकीय पारी खेलेपछि घरेलु टोली बलियो स्थितिमा पुगेको हो ।
पहिलो दिनको खेल सकिदासम्म अष्ट्रेलियाले तीन विकेटको क्षतिमा २८३ रन बनाएको छ । लबुस्नेले १३० रन बनाएर अविजित हुनुहुन्छ । म्याथ्यु वाडेले २२ रन बनाएर लबुस्नेलाई सघाउनुभएको छ । स्टिभ स्मिथले ६३ रन बनाएर पेभेलियन फर्किनुभयो । ओपनर देवीड वार्नरले ४५ रनको योगदान दिनुभयो । न्युजिल्याण्डका लागि कोलिन डे ग्राण्डहमले दुई तथा नैल वाग्नरले एक विकेट लिनुभयो ।
तीन म्याचको टेष्ट श्रृखंलामा अष्ट्रेलिया २–० ले श्रृखंला जितिसकेको छ ।
२०८१ मंसिर ८ शनिवार
