गोरखापत्र अनलाइन
काठमाडौं, पुस २१ गते । सहिद स्मारक ए डिभिजन लिगमा जावलाखेल युथ क्लब र न्यू रोड टिमबीचको खेल गोलरहित बराबरीमा सम्पन्न भएको छ । दुबै टोलीले खेल अवधिभरि अवसरहरु पाएपनि गोलमा परिणत गर्न सकेनन ।
दशरथ रङ्गशालामा सोमबार सम्पन्न खेलको सुरुमै जावलाखेलले गोल गर्ने उत्कृष्ट पाएको थियो । खेलको १५ औं मिनेटमा जावलाखेलका डयाडी जुनियर वाम्बाले पेनाल्टी बक्सभित्र नियन्त्रणमा रहेको बललाई दिशा दिन नसक्दा गोलमा परिणत हुन सकेन । २६ औं मिनेटमा सुजित बूढाथोकीको फ्रिकिकमा एडम डोम्बियाको हेडर पोष्टबाट बाहिरिदा जावलाखेलले गोलको अर्को अवसर पनि गुमाउन पुग्यो ।
पहिलो हाफ गोलरहित बराबरीमा सम्पन्न भएपछि दुबै टोलीले दोस्रो हाफमा पनि गोल गर्न संघर्षरत देखियो । ८२ औं मिनेटमा एनआरटीका राजेश परियारले पेनाल्टी क्षेत्र बाहिरबाट गर्नुभएको प्रहार गोलमा परिणत हुन सकेन ।
दुबै टोली गोलरहित बराबरीमा रोकिदा जावलाखेलले पाँच खेलबाट दुईमा जित, तीनमा बराबरीसँगै ९ अङ्क बटुलेको छ । एनआरटीको भने पाँच खेलमध्ये दुईमा जित, एक बराबर र दुईमा हार बेहोरेर पाँच अङ्क छ ।
२०८१ मंसिर ८ शनिवार
