एजेन्सी
काठमाडौं, पुस २४ गते । इंग्ल्याण्ड क्रिकेट टिमका तिब्र गतिका बलर जेम्स एन्डरसन दक्षिण अफ्रिका भ्रमणबाट बाहिरिनुभएको छ । करङ्गको जोर्नीमा आएको समस्याको कारणले उहाँ दक्षिण अफ्रिका विरुद्धको टेष्ट श्रृखंलाको बीचमै इंग्ल्याण्ड फर्किने हुनुभएको छ ।
टेष्ट क्रिकेटको इतिहासमा सबैभन्दा बढी विकेट लिने दौडमा हुनुहुन्छ । केपटाउनमा खेलाइएको दोस्रो टेष्ट खेलको पाँचौं दिन उहाँ घाइते हुनुभएको बताइएको छ । सुरुमा तन्तुमा समस्या आएको हुन सक्ने बताइएपनि भिडियो एक्स रे पछि हाडमा समस्या भएको पाइएको छ । उहाँलाई चोटबाट पूर्णरुपले मुक्त हुन कम्तिमा छ देखि आठ साता लाग्नेछ । असहज महसुस गरेपछि एन्डरसनलाई पाँचौं दिन मात्र ८ ओभर बलिङ्ग गर्न लगाइएको थियो ।
एन्डरसन आफैंले पनि सामाजिक सञ्जालमा ट्वीट गर्नुहुँदै आगामी टेष्टमा सहभागी हुन नसक्ने जनाउनुभएको हो । एशेज श्रृखंलामा घाइते हुनुभएपछि दक्षिण अफ्रिका विरुद्धको भ्रमणमा उहाँले वापसी गर्नुभएको थियो ।
एन्डरसन टेष्ट खेलमा छ सय विकेटको आँकडा पुरा गर्न मात्र १६ विकेट टाढा हुनुहुन्छ । जुन आँकडा हालसम्म तीनजना बलरले मात्रै पुरा गर्नुभएको छ ।
२०८१ मंसिर ८ शनिवार
