बार्सिलोनालाई हराउँदै एटलेटिको मड्रिड स्पैनिस कपको फाइनलमा

एजेन्सी
काठमाडौं, पुस २५ गते । एटलेटिको मड्रिड स्पैनिस सुपर कपको फाइनलमा पुगेको छ । आइतबार उपाधिको लागि उसले रियल मड्रिडको सामना गर्नेछ ।
सऊदी अरेबियामा बिहीबार अबेर राति सम्पन्न खेलमा एटलेटिको मड्रिडले बार्सिलोनालाई ३–२ ले हराउँदै उपाधिको होडमा रियलसँगको भेट सुनिश्चित गरेको हो । एटलेटिकोलाई जित दिलाउन एन्जेल कारियाले निर्णायक गोल गर्नुभयो ।
दोस्रो हाफमा कोकेको गोलले एटलेटिकोलाई खेलमा अग्रता दिलायो । लिओनल मेस्सीले बराबरी गोल गर्नुहुँदै खेलमा बार्सिलोनाको वापसी गराउनुभयो । एन्टोइन ग्रिजमन्नले बार्सिलोनालाई २–१ को अग्रता दिलाउनुभयो । अल्वारो मोराटाले पेनाल्टीको सदुपयोग गर्दै खेल २–२ को बराबरीमा ल्याउनुभयो । कारियाले अन्तिम समयमा गोल गर्दा एटलेटिको मड्रिडले बार्सिलोनालाई पाखा लगाउँदै उपाधिको होडमा स्थान सुनिश्चित गर्न सफल भयो । उत्तराद्र्धमा जिर्राड पिकले गोल गरेर खेल अतिरिक्त समयमा पुर्याउने राम्रो अवसर पाउनुभएको थियो । तर उहाँको हेडर बारमाथि उछिट्टिएर बाहिरिन पुग्यो ।