गोरखापत्र अनलाइन
काठमाडौं, पुस २७ गते । सहिद स्मारक ए डिभिजन लिगको छैठौं चरणमा फ्रेन्ड्स क्लबले थ्री स्टारलाई पराजित गरेको छ । फ्रेन्ड्सले थ्री स्टारमाथि १–० को जित हात पार्यो ।
दशरथ रङ्गशालामा आइतबार सम्पन्न खेलमा थ्री स्टारलाई पराजित गरेको फ्रेन्ड्सको लिगमा यो पहिलो जित हो । थ्री स्टार भने दोस्रो पटक हार बेहोरेको छ । हारसँगै दोस्रो स्थानमा उक्लिने अवसर समेत थ्री स्टारले गुमाएको छ । उसले छ खेलबाट १० अङ्क जोडेको छ ।
शिर्षस्थानको मच्छिन्द्रले छ खेलबाट १३ अङ्क जोडेको छ । सामान १२ अङ्क जोडेर आर्मी र मनाङ दोस्रो र तेस्रो स्थानमा छन् । फ्रेन्ड्सले भने छ खेलबाट पाँच अङ्क जोडेको छ ।
फ्रेन्ड्स क्लबले सुरुवातमै १–० को अग्रता लियो । खेलको १३ औं मिनेटमा डी केमोले गर्नुभएको गोल नै खेलको निर्णायक गोल रहन गयो । उहाँले विश्व अधिकारीको फ्रि किकलाई गोल पोष्टको दिशा दिनुभयो । जारी लिगमा केमोको पहिलो गोल हो ।
