गोरखापत्र अनलाइन
काठमाडौं, पुस २८ गते । सहिद स्मारक ए डिभिजन लिगमा च्यासल युथ क्लब र एपीएफ क्लबले बराबरी खेलेको छ ।
दशरथ रङ्गशालामा सोमबार सम्पन्न दोस्रो खेलमा दुबै टोलीले गोलरहित बराबरी खेलेको हो । खेल बराबरीमा टुंगिएसँगै दुबैले एक एक अङ्क बाँडेको छ । निर्धारित ९० मिनेटको समय गोलरहित बराबरीमा टुंगिएपछि च्यासल छ अङ्कसहित दशौं स्थानमा पुगेको छ । एपीएफ पाँच अङ्क ल्याएर एघारौं स्थानमा यथावत छन् ।
एपीएफले छ खेलमा एक जित, दुई बराबरी र तीन खेलमा हार बेहोरेको छ भने च्यासलले छ खेलमध्ये एकमा जित, तीन बराबरी र दुई खेलमा हार बेहोरेको थियो ।
२०८१ मंसिर ८ शनिवार
