एजेन्सी
मेलबर्न, माघ १ गते । अष्ट्रेलियामा जारी बिग बैश लिगमा मेलबर्न स्टार्सले पर्थ स्क्रचर्सलाई मात्र ८६ रनमा समेटेको छ । स्क्रचर्सले १३.५ बलमा मात्र ८६ रनमा समेटिएको छ ।
मेलबर्नमा जारी खेलमा नेपाली स्पिनर सन्दीप लामिछानेले दुई विकेट लिनुभयो । पहिलो दुई ओभरमा कुनै विकेट हात पार्न नसकेका सन्दीपले तेस्रो ओभरमा दुई विकेट लिनुभयो । सुरुको दुई ओभरमा विकेट नलिएपनि उहाँले धेरै रन खर्चिनुभएन । आफ्नो तेस्रो ओभर पुरा गर्दा सन्दीपले दुई विकेट लिएर जम्मा सात रन मात्रै खर्चिनुभयो । उहाँले पर्थ स्क्रचर्सका क्रिस जोर्डन र झ्ये रिचर्डसनको विकेट लिनुभयो ।
मेलबर्नका जैक्सन कोलमनले भने तीन विकेट लिनुभयो । तर उहाँले तीन ओभरमा १६ रन खर्चिनुभयो । ग्लैन म्याक्सवेल, कोल्टर नाइल र हरिस रौफले सामान एक एक विकेट लिनुभयो ।
सन्दीप सहभागी मेलबर्न स्टार्सले ९ खेलमध्ये आठमा जित हात पारेर १६ अङ्कसहित शिर्ष स्थानमा छ । दोस्रो स्थानको सिड्नी सिक्सरले ९ खेलमध्य छ मा जित हात पारेर १२ अङ्क जोडेको छ ।
२०८१ मंसिर ८ शनिवार
