एजेन्सी
काठमाडौं, माघ २ गते । दोस्रो हाफमा जुआन माटाले उत्कृष्ट गोल गरेपछि म्यान्चेष्टर यूनाइटेड एफ ए कपको चौथो चरणमा प्रवेश गरेको छ । म्यान्चेष्टर यूनाइटेडले वल्भरहयाम्पटन वान्डरर्समाथि १–० को जित हात पार्यो ।
ओल्ड ट्राफोडमा जुआन माटाले खेलको ६७ औं मिनेटमा गर्नुभएको एक मात्रै गोल निर्णायक हुन गयो । माटाले गर्नुभएको प्रहार वल्भ्सका कीपर रुड्डीले नियन्त्रणमा लिएपछि म्यान्चेष्टर यूनाइटेडले सुरुमै अग्रताको लागि गरेको प्रयास असफल भएको थियो । लगत्तै डेनियल जेम्सको प्रहार पनि कीपर रुड्डीले अस्वीकार गर्नुभयो ।
म्यान्चेष्टर यूनाइटेडले घरेलु मैदानमा एफ ए कपमा खेलेको पछिल्लो छ खेलमा विपक्षी टोलीलाई गोल गर्न नदिएको यात्रालाई जारी राखेको छ ।
२०८१ मंसिर ८ शनिवार
