गोरखापत्र अनलाइन
काठमाडौं, माघ ५ गते । सहिद स्मारक ए डिभिजन लिगमा आज सम्पन्न दुई छुट्टाछुट्टै खेलमा फ्रेन्ड्स क्लब र न्यू रोड टिमले जित हात पारेको छ । फ्रेन्ड्सले सरस्वती युथ क्लबलाई हराउँदा एन आर टीले एपीएफ क्लबमाथि जित हात पारेको छ। अत्यन्तै रोमाञ्चक स्पर्धामा एन आर टीले एपीएफमाथि ३–२ को जित हात पारेको छ । फ्रेन्ड्सले सरस्वतीमाथि ४–१ को फराकिलो जित निकाल्यो ।
एन्फा कम्प्लेक्स सातदोबाटोमा सम्पन्न आजको पहिलो खेलमा एन आर टीले एपीएफमाथि ३–२ को जित हात पार्यो । एन आर टीलाई जित दिलाउन आन्द्रे थेरी, जोर्डन एनडेम्बा र दर्शन गुरुङले एक एक गोल गर्नुभयो ।
त्यसैगरी, आजै सम्पन्न दोस्रो खेलमा फ्रेन्ड्सले सरस्वतीमाथि जित निकाल्दै चार स्थान सुधार गरेको छ । सातौं चरणको खेल अघि तेह्रौं स्थानमा रहेको फ्रेन्ड्सले पुछारको सरस्वतीमाथि ४–१ को जित निकाल्दै नवौं स्थानमा उक्लेको छ ।
२०८१ मंसिर ८ शनिवार
