एजेन्सी
काठमाडौं, माघ ८ गते । क्विन्टन डे कक इंग्ल्याण्ड विरुद्धको अन्तर्राष्ट्रिय एकविदसीय क्रिकेट श्रृखंलाका लागि निमित्त कप्तानको जिम्मेवारी निर्वाह गर्ने हुनुभएको छ । नियमित कप्तान फाफ डु प्लेसिस र प्रमुख बलर कगिसो रबाडालाई आराम दिइएको छ ।
क्रिकेट दक्षिण अफ्रिकाले इंग्ल्याण्ड विरुद्धको एकदिवसिय श्रृखंलाको लागि टोलीको घोषणा गर्दा लुङ्गी न्गीडि र टेम्बा बभुनाले वापसी गरेका छन् । तिब्र गतिका बलर लुथो सिपाम्ला, सिसान्डा मगाला, देब्रे हातका स्पिनर जोर्न फोर्टुइन, ओपनर ब्याट्सम्यान जान्नेमन मलान र विकेटकीपर ब्याट्सम्यान कायल भेरिन्ने एकविदसीय टोलीमा स्थान पाएका छन् ।
क्रिकेट दक्षिण अफ्रिकाका स्वतन्त्र चयनकत्र्ता लिन्डा जोन्डीले आगामी नेतृत्व तयार गर्ने नीति बमोजिम खेलाडी चयन गरिएको बताउनुभयो । सन् २०२० को टी ट्वान्टी विश्वकपपछि नियमित कप्तान डु प्लेसिस सन्यास लिनुहुने बताइएको छ । डे ककले डिसेम्बर २०१२ मा अन्तर्राष्ट्रिय क्रिकेटको सुरुवात गर्नुभएको थियो ।
टोलीका अन्य सदस्यहरुमा रिजा हेण्ड्रीक्स, रस्सेन भान डर दुस्सैन, देवीड मिलर, जोन जोन स्मट्स, एन्डाइल फेल्पुक्वायो, सिसान्डा मगाला, कायल भेरिने रहेका छन् ।
