एजेन्सी
काठमाडौं, माघ ९ गते । युभेन्ट्स कोपा इटालिया कपको सेमीफाइनलमा पुगेको छ । रोमा विरुद्ध ३–१ को जित हात पार्दै युभेन्ट्स सेमीफाइनलको लागि स्थान सुनिश्चित गरेको हो ।
घरेलु मैदानमा युभेन्ट्सलाई जित दिलाउन क्रिष्टियानो रोनाल्डोले सुरुवाती गोल गर्नुभयो । गोन्जालो हिग्विनको क्रसलाई पहिलो हाफको २६ औं मिनेटमा रोनाल्डोले गोलको दिशा दिनुभयो । रोड्रिगो बेन्टनकर र लिओनार्दो बोनुस्सीले पहिलो हाफमै गोल थप्दै जुभेन्ट्सलाई ३–० को अग्रता दिलाउनुभयो ।
केन्गिजले गर्नुभएको प्रहार बारबाट उछिट्टिएर गोलपोष्ट छिर्दा रोमाले ५० औं मिनेटमा शान्त्वना गोल फर्कायो । सेमीफाइनलमा जुभेन्ट्सले एसी मिलान वा टोरिनोमध्ये एकसँग स्पर्धा गर्नेछ । रोनाल्डोले गर्नुभएको गोल कोपा इटालियामा उहाँको पहिलो गोलसँगै २०२० को सातौं गोल हो । उहाँले आफ्नो फुटबल जिवनमा १५ विभिन्न स्पर्धामा गोल गर्नुभएको हो ।
२०८१ मंसिर ८ शनिवार
