एजेन्सी
काठमाडौं, माघ १७ गते । म्यान्चेष्टर यूनाइटेडले लिस्वनका मिडफिल्डर ब्रुनो फर्नान्डेजलाई अनुबन्धन गरेको छ । म्यान्चेष्टरले उहाँलाई पाँच वर्ष छ महिनाका लागि पाँच करोड ५० लाख यूरो तिरेर अनुबन्धन गरेको हो ।
खेलाडी स्थानान्तरणका लागि शुक्रबारसम्मको समयसीमा रहेकोमा उहाँसँग समय सकिन दुई दिन अघि सम्झौता गरिएको छ ।
२०२५ सम्म अनुबन्धन गरिएपनि थप एकवर्षका लागि बढाउन सकिने उल्लेख गरिएको छ । पोर्चुगलका २५ वर्षीय मिडफिल्डर फर्नान्डेजले म्यान्चेष्टरका लागि खेल्न पाउनु अतुलनीय रहेको प्रतिक्रिया दिनुभयो । उहाँले क्रिष्टियानो रोनाल्डोलाई खेलेको देखेर आफू म्यान्चेष्टर यूनाइटेडको प्रशंसक भएको उल्लेख गर्नुभयो । “यस क्षणको लागि धेरै नै मीहिनेत गरेको थिएँ, यूनाइटेडलाई सफलतासँगै अत्याधिक ट्रफी उपलब्ध मेरो तर्फबाट पूर्ण प्रयास गर्ने प्रतिबद्धता जनाउँछु”– उहाँले थप्नुभयो ।
फर्नान्डेज सन् २०१७ मा ७२ लाख यूरो लिएर सामडोरियाबाट लिस्वन पुग्नुभएको थियो । उहाँले १३७ खेलमा ६४ गोल गर्नुभएको छ । २०१८–०१९ मा यूरोपेली राष्ट्रिय लिग २०१९ को उपाधि जित्नुभयो ।
म्यान्चेष्टर यूनाइटेडका व्यवस्थापक ओले गनरले फर्नान्डेजको आगमन उत्साह थपेको बताउनुभयो ।
२०८१ मंसिर ८ शनिवार
