मेस्सीको दोहोरो गोलमा बार्सिलोना कोपा डेल रेको अन्तिम आठमा पुग्यो

एजेन्सी
काठमाडौं, माघ १७ गते । कप्तान लियोनल मेस्सीले दुई गोल गरेपछि बार्सिलोनाले लेगानेसमाथि फराकिलो अन्तरको जित हात पारेको छ । जितसँगै बार्सिलोना स्पैनिस कोपा डेल रेको अन्तिम आठको लागि स्थान सुनिश्चित गरेको छ ।
घरेलु मैदान नौ क्याम्पमा बार्सिलोनाले लेगानेसमाथि ५–० को जित हात पार्यो । खेलको पहिलो हाफमा एन्टोनियो ग्रिजमन्न र क्लिमेन्ट लेन्ग्लेटले सामान एक एक गोल गर्नुभयो । चौथो मिनेटमा ग्रिजमन्नको प्रहार गोलमा परिणत भएपछि बार्सिलोना १–० को अग्रता लियो । उक्त अग्रतालाई लेङ्ग्लेटले २७ औं मिनेटमा दोब्बर पार्नुभयो ।
लियोनल मेस्सीले तेस्रो तथा पाँचौं गोल गर्दै बार्सिलोनाको गोल संख्या ६२३ पुर्याउनुभयो । आर्थरले ७७ औं मिनेटमा गोल गर्दा बार्सिलोनाले ४–० को अग्रता पायो । बार्सिलोनासँगको आबद्धतामा मेस्सीको यो ५०० औं जित हो ।
बार्सिलोनाले जितसँगै अन्तिम आठमा ला लिगाको शिर्ष स्थानमा रहेको रियल मड्रिड, भ्यालेन्सिया, एथ्लेटिक बिलबाओ, भिल्लेरल, ग्रनाडा र रियल सोसीडाडसँगै स्थान सुनिश्चित गरेको छ । सेभिल्ला वा मिरान्डेसमध्ये कुनै एक टोली अन्तिम आठमा पुग्नेछन् ।