एजेन्सी
काठमाडौं, माघ २० गते । म्यान्चेष्टर सिटिलाई हराउँदै टटनहम हर्सपरले प्रिमियर लिगको शिर्ष चारमा आफ्नो स्थान सुनिश्चित गर्ने सम्भावना जिवितै राखेको छ । स्टिभन बर्जविनले आफ्नो ‘डेब्यु’ खेलमा गोल गर्नुहुँदै टटनहमलाई अग्रता दिलाउनुभयो ।
म्यान्चेष्टर सिटिमाथि जितसँगै प्रिमियर लिगको अङ्कतालिकामा टटनहम हर्सपर पाँचौं स्थानमा उक्लेको छ । ऊ चौथो स्थानको चेल्सीभन्दा चार अङ्कले पछाडि रहेको छ । शिर्ष स्थानमा रहेका लिभरपुल भने म्यान्चेष्टर सिटिभन्दा २२ अङ्कको अग्रता कायम गरेको छ । सिटिले २५ खेलबाट ५१ अङ्क जोडेको छ । तेस्रो स्थानको लिसेस्टरको ४९ अङ्क छ ।
खेलको ६० औं मिनेटमा ओलेक्सान्ड्राृ जिन्चेन्कोले दुई पहेंलो कार्ड खाएर मैदानबाट बाहिरिदा म्यान्चेष्टर सिटी दश खेलाडीमा सीमित हुन पुग्यो । २२ वर्षीय बर्जविनले ६३ औं मिनेटमा गोल गर्नुहुँदै हर्सपरलाई १–० को अग्रता दिलाउनुभयो ।
सोन हिउङ मीनले ७७ औं मिनेटमा गर्नुभएको प्रहार गोलरक्षक एडरसनलाई छिचोल्दै गोलमा परिणत भएपछि हर्सपरले महत्वपूर्ण जित हात पार्न सफल भयो । सिटीले पछिल्लो छ खेलमध्ये पाँचमा जित हात पारेर लण्डन पुग्दा हर्सपरविरुद्ध हारको सामना गर्नुपर्यो ।
