गोरखापत्र अनलाइन
काठमाडौं, माघ २१ गते । सहिद स्मारक ए डिभिजन लिगमा फ्रेन्ड्स क्लबले न्यूरोड टिममाथि जित हात पारेको छ । दशौं चरणको अन्तिम खेलको अन्त्यतिर गोल गर्दै फ्रेन्ड्सले न्यूरोडमाथि २–० को जित हात पार्यो ।
एन्फा कम्प्लेक्स सातदोबाटोमा सम्पन्न खेलमा फ्रेन्ड्सका लागि सञ्जोग महर्जन र वार्नर डी कार्मोले गोल गर्दै एनआरटीमाथि २–० को जित हात पार्न सफल भयो । साउलो डी अक्किनोको लामो पासमा नवीन गुरुङले छिचोल्न नसक्दा ब्याक पासमा सञ्जोगले गर्नुभएको प्रहार गोलमा परिणत भयो । ७८ औं मिनेटमा सञ्जोगले गोल गर्दा फ्रेन्ड्स महत्वपूर्ण खेलमा अग्रता बनायो । ८० औं मिनेटमा कार्मोले एकल प्रयासमा गोल गर्नुहुँदै फ्रेन्ड्सको अग्रतालाई दोब्बर पार्नुभयो ।
जितसँगै १४ अङ्क पुर्याएको फ्रेन्ड्स च्यासल युथ क्लबलाई पछि पार्दै नवौं स्थानमा उक्लेको छ । आठौं स्थानको नेपाल पुलिसको सामान १४ अङ्क नै छ । एन आर टी १५ अङ्कसहित सातौं स्थानमा छ । ११ औं चरणको खेलहरु बिहीबारबाट सुरु हुनेछ ।
२०८१ मंसिर ८ शनिवार
