गोरखापत्र अनलाइन
काठमाडौं, फागुन ३ गते । वेष्टइन्डिजका तिब्र गतिका बलर केस्रिक विलियम्स एभरेष्ट प्रिमियर लिग खेल्ने हुनुभएको छ । उहाँलाई पोखरा राइनोजले अनुबन्धन गरेको छ ।
एभरेष्ट प्रिमियर लिगको आधिकारिक सामाजिक सञ्जालले विलियम्सको अनुबन्धनबारे पुष्टि गरेको हो । वेष्टइन्डिजको घरेलु लिगमा सेन्ट विन्सेन्टको प्रतिनिधित्व गर्नुहुने ३० वर्षीय विलियम्स तिब्र गतिका बलर हुनुहुन्छ । उहाँले वेष्टइन्डिजका लागि आठवटा अन्तर्राष्ट्रिय एकदिवसीय र ८७ वटा घरेलु टी ट्वान्टी म्याच खेल्नुभएको छ । अन्तर्राष्ट्रिय एकदिवसीयमा नौ विकेट लिनुभएको विलियम्सको सबैभन्दा उत्कृष्ट बलिङ तथ्याङ्क ४३ रन खर्चेर चार विकेट हो ।
पछिल्लोपटक २०१९ को डिसेम्बरमा भारत विरुद्ध मुम्बई र तिरुवनन्तपूरममा उहाँले दुई खेलमा तीन विकेट लिनुभएको थियो । उहाँले सन् २०१७ मा भारत विरुद्ध नै अन्तर्राष्ट्रिय एकदिवसीयको पहिलो म्याच खेल्नुभएको थियो । क्रिस गेल र ड्वायन स्मिथपछि एभरेष्ट प्रिमियर लिगका लागि अनुबन्धन हुनुहुने विलियम्स वेष्टइन्डिजका तेस्रो खेलाडी हुनुहुन्छ ।
२०८१ मंसिर ८ शनिवार
