एजेन्सी
काठमाडौं, फागुन ५ गते । जिम्बाबवे विरुद्धको एकमात्र टेष्ट म्याचको लागि महमदुल्लाह बङ्गलादेश क्रिकेट टोलीबाट छोडिएका छन् । बङ्गलादेशले आगामी साता जिम्बाबवे विरुद्ध एक मात्र टेष्ट म्याच खेल्नेछन् ।
रुबैल होस्सैन, अल अमिन होस्सैन र सौम्य सरकारले पनि टोलीमा स्थान पाउनुभएन । मुश्फिक्र रहिम, तस्कीन अहमद, मेहदी हसन र मुस्तफिजुर रहमानको भने पुनरागनमन भएको छ । मध्यम गतिका बलर हसन महमुद र ब्याट्सम्यान यासिर अली भने टेष्ट टोलीमा पहिलोपटक पर्नुभएको छ ।
प्रमुख चयनकत्र्ता मीनहजुल अबेदिनले महमदुल्लाह जस्ता वरिष्ठ खेलाडीलाई टेष्ट क्रिकेटबाट केही दिनका लागि आरामको आवश्यकता रहेको बताउनुभयो । महमदुल्लाहले पछिल्लो दश टेष्ट पारीमा मात्र एक अद्र्धशतक लगाउनुभएको छ । त्यसअघि वेष्टइन्डिज विरुद्ध उहाँले दुई शतक लगाउनुभएको थियो ।
मोनिमुल हकको कप्तानीमा घोषित टोलीका सदस्यहरुमा तमीम इकवाल, सैफ हसन, नज्मुल होस्सैन शान्टो, मुश्फीक्र रहिम, मोहम्मद मिथुन, लिटन दास, तैजुल इश्लाम र अबु जाएद रहेका छन् । त्यसैगरी, टोलीमा नइम हसन, इबादम होस्सैन, तस्कीन अहमद, मेहदी हसन, मुस्तफीजुर रहमान, हसन महमुद र यासिर अली चौधरी अटाएका छन् ।
२०८१ मंसिर ८ शनिवार
