एजेन्सी
काठमाडौं, फागुन ८ गते । पाकिस्तान क्रिकेट बोर्डले उमर अकमललाई निलम्बन गरेको छ । उहाँमाथि क्रिकेट सम्बन्धी कुनै पनि गतिविधिमा सहभागी हुन रोक समेत लगाइएको छ ।
पाकिस्तान क्रिकेट बोर्डको भ्रष्टाचार विरोधी इकाइले गरेको छानबीनमाथि बोर्डले धारणा नबनाएसम्म उहाँलाई निलम्बन गरिएको हो । बोर्डले एक वक्तब्य जारी गरी निलम्बन सम्बन्धी निर्णयबारे जानकारी गराएपनि निलम्बनको अवधि र कारणबारे प्रष्ट खुलाएको छैन् । निलम्बनमा परेपछि अकमलले पाकिस्तान सुपर लिगमा बिहिबार हुने इस्लामाबाद यूनाइटेड विरुद्धको खेलमा सहभागी हुन पाउनुहुने छैन् । लिगमा उहाँ क्वेटा ग्लैडिएटर्सको प्रतिनिधित्व गर्नुहुन्छ ।
उहाँको स्थानमा क्वेटाले ३२ वर्षीय अलराउण्डर अनवर अलीलाई टोलीमा स्थान दिएको छ । अनवरले २००८ देखि २०१६ सम्म पाकिस्तानका लागि २२ अन्तर्राष्ट्रिय एकदिवसीय र १६ टी ट्वान्टी खेल्नुभएको छ ।
लाहौरमा राष्ट्रिय क्रिकेट प्रतिष्ठानमा फिटनेश परीक्षणमा असफल भएपछि अकमलले प्रतिष्ठानका सदस्यसँग दुब्र्यवहार गर्नुभएको थियो ।
२०८१ मंसिर ८ शनिवार
