एजेन्सी
काठमाडौं, फागुन १२ गते । मलेसियाले हङकङ विरुद्धको पाँच म्याचको टी ट्वान्टी श्रृखंला ३–० ले जितेको छ । पहिलो दुई टी ट्वान्टी खेल जितेको मलेसियाले तेस्रो टी ट्वान्टी खेलमा समेत आठ रनले जित हात पार्यो ।
मलेसियाले प्रस्तुत गरेको १५२ रनको लक्ष्य पछ्याउँदै हङकङ पुरा २० ओभर खेलेपनि सात विकेटको क्षतिमा मात्र १४४ रन जोडन सक्यो । हङकङका लागि वकास खानले सर्वाधिक ६० तथा स्कट म्याक्कैनीले अविजित रहनुहुँदै ३८ रनको योगदान दिएपनि जित दिलाउन सक्नुभएन । मलेसियाका लागि सीजरुल इद्रुसले तीन तथा फित्री शामले दुई विकेट लिनुभयो ।
यसअघि किनरारा ओभल, क्वालाम्पुरमा टस जितेर पहिला ब्याटिङ गर्ने निर्णय गरेको मलेसियाले पुरा २० ओभर खेल्दै नौ विकेटको क्षतिमा १५२ रनको योगफल तयार गर्यो । मलेसियाका लागि कप्तान अहमद फैजले सर्वाधिक ५८, सर्विन मुनिएन्डीले २५ रनको योगदान दिनुभयो । हङकङका लागि आफताब हुस्सैनले तीन तथा हारुन अरशदले चार विकेट लिनुभयो ।
अहमद फैज खेलको म्यान अफ द् म्याच घोषित हुनुभयो ।
२०८१ मंसिर ८ शनिवार
