एजेन्सी
काठमाडौं, फागुन १९ गते । म्यान्चेष्टर सिटिले इएफएल कपको उपाधि जितेको छ । उपाधिको लागि भएको खेलमा उसले आष्टन भिल्लामाथि १–२ को जित हात पार्दै पाँच वर्षमा चौथो लिग उपाधि उचाल्न सफल भएको हो ।
वेम्ब्लीमा सम्पन्न लिग उपाधिको होडमा आष्टन भिल्लाले उत्कृष्ट प्रदर्शन गर्दागर्दै पहिलो हाफमै म्यान्चेष्टर सिटिले गरेको दुई गोलले उसलाई उपाधि दिलाउन पर्याप्त भयो । पहिलो हाफकै अन्त्यतिर आष्टन भिल्लाले एक गोल फर्काएपनि सिटिलाई उपाधि उचाल्नबाट रोक्न सकेनन ।
सर्जिओ एग्वेरोले २० औं मिनेटमा गोल गर्दै म्यान्चेष्टर सिटिलाई १–० को अग्रता दिलाउनुभयो । म्यान्चेष्टर सिटिले अग्रता लिएको दश मिनेट नबित्दै रोड्रीले हेडमार्फत् गोल थप्दै उक्त अन्तरलाई २–० पार्नुभयो । आष्टन भिल्लाले ४१ औं मिनेटमा गोल गर्दै खेल २–१ मा ल्यायो । आष्टनका लागि म्वाना समाटाले अनवर अल गाजीको पासलाई हेडले गोलको दिशा दिनुभयो ।
२०८१ मंसिर ८ शनिवार
