एजेन्सी
काठमाडौं, फागुन २० गते । आर्सनलले पोर्ट्समाउथलाई हराउँदै एफ ए कपको क्वार्टरफाइनलमा प्रवेश गरेको छ । आर्सनलका व्यवस्थापक माइकल अर्टेटाले टोलीमा २० वर्षमुनिका छ खेलाडीलाई एकैपटक उतार्ने जोखिम मोलेपनि पोर्ट्समाउथमाथि जित हात पार्न सफल भयो ।
पोर्ट्समाउथ भने १९ वटा घरेलु खेलमा हार बेहोरेको थिएन । उसले आफ्नो पछिल्लो दश खेल लगातार जितेको थियो । यद्दपी आर्सनलले खेलको दोस्रो हाफ पूर्णरुपमा आफ्नो नियन्त्रणमा राख्दै जित हात पार्न सफल भयो ।
नेल्सनले दायाँतर्फबाट दिनुभएको क्रसलाई सोक्राटिसले गोलमा परिणत गर्नुहुँदै खेलमा आर्सनललाई १–० को अग्रता दिलाउनुभयो । उहाँले पहिलो हाफको इन्ज्युरी समयमा गोल गर्नुभयो ।
नेल्सनको क्रसलाई नियन्त्रणमा राख्दै गोलपोष्ट नजिकबाट गर्नुभएको प्रहार गोलमा परिणत हुँदा केटियाले सिजनको तेस्रो गोल गर्न भ्याउनुभयो । आर्सनलले पोर्ट्समाउथमाथि लगातार २२ औं खेलमा जित हात पारेको छ । र ऊ १९५८ यता पोटर््समाउथसँगको अपराजित यात्रालाई कायम राख्न सफल भयो ।
२०८१ मंसिर ८ शनिवार
