एजेन्सी
काठमाडौं, फागुन २१ गते । चेल्सीले लिभरपुललाई एफ ए कपबाट बाहिर पठाएको छ । स्टामफोर्ड ब्रिजमा गए राति अबेर सम्पन्न पाँचौं राउण्डको खेलमा चेल्सीले लिभरपुलमाथि २–० को जित हात पार्यो ।
लिभरपुलले भने लगातार दोस्रो हार बेहोरेको छ । गत् साता एटलेटिको मड्रिडबाट १–० को हार बेहोरेको लिभरपुलले चेल्सीसँग पराजयबाट जोगिन सातजना खेलाडीलाई परिवर्तन गरेको थियो । लगातारको हारसँगै लिभरपुलले लय गुमाउँदा तीस वर्षमा पहिलोपटक लिग विजेता हुने लक्ष्यमा भने धक्का लाग्न सक्छ ।
खेलको १३ औं मिनेटमा चेल्सीको विलियनले २० गजबाहिरबाट गर्नुभएको प्रहार गोलमा परिणत भएपछि चेल्सीले १–० को महत्वपूर्ण अग्रता लियो । ६४ औं मिनेटमा इर्भटनका पूर्व मीडफिल्डर बाकर्लीले आड्रियानलाई बिट गर्नुहुँदै गर्नुभएको प्रहार गोलपोष्ट छोएपछि चेल्सीले २–० को जित सुनिश्चित गर्यो ।
२०८१ मंसिर ८ शनिवार
