एजेन्सी
काठमाडौं, फागुन २२ गते । एफ ए कपको च्याम्पियन म्यान्चेष्टर सिटिले क्वार्टरफाइनलमा न्यू कैसल यूनाइटेडको सामना गर्ने भएको छ । १३ पटक एफ ए कपको उपाधि जितेको आर्सनलले भने शेफिल्ड यूनाइटेडलाई क्वार्टरफाइनलमा भेटनेछन् ।
बिहिबार बिहान एफ ए कपको क्वार्टरफाइनल खेलहरुको तालिका सार्वजनिक गरिएको छ । जस बमोजिम आठवटा टोलीको स्पर्धी र खेल स्थल निर्धारण गरिएको छ । पछिल्लो पटक सन् २०१८ मा एफ ए कपको उपाधि जितेको चेल्सीले लिसास्टरसँग स्पर्धा गर्नेछन् ।
क्वार्टरफाइनलको अन्तिम खेलमा नर्विचले म्यान्चेष्टर यूनाइटेड वा डर्बीलाई आयोजना गर्नेछ । म्यान्चेष्टर यूनाइटेड र डर्बीबीच क्वाटरफाइनलको स्थान सुनिश्चित गर्न बिहिबार स्पर्धा हुँदैछ ।
क्वार्टरफाइनलको जम्मै खेलहरु २१ र २२ मार्चमा खेलाइनेछ । चेल्सीले लिभरपुलमाथि २–०, आर्सनलले पोर्ट्समाउथलाई हराएर क्वार्टरफाइनलमा स्थान सुनिश्चित गरेको हो । त्यसैगरी शेफिल्ड यूनाइटेड २०१४ पछि पहिलो पटक क्वार्टरफाइनल प्रवेश गर्न रिडिङमाथि २–१ को जित हात पारेको थियो । लिसेस्टरले बर्मिघमलाई १–० ले जित्दै क्र्वाटरफाइनल पुगेको हो ।
२०८१ मंसिर ८ शनिवार
