एजेन्सी
काठमाडौं, फागुन २५ गते । लियोनल मेस्सीले पेनाल्टीको अवसरलाई गोलमा परिणत गर्दा बार्सिलोनाले स्पैनिश ला लिगामा रियल सोसीडाडमाथि जित हात पारेको छ । जितसँगै बार्सिलोना लिग तालिकाको शिर्ष स्थानमा उक्लेको छ ।
ला लिगाको २७ औं खेलमा बार्सिलोनाले रियल सोसीडाडमाथि १–० को जित हात पारेको हो । बार्सिलोनाका लागि कप्तान लियोनल मेस्सीले खेलको ८१ औं मिनेटमा पाउनुभएको पेनाल्टीको अवसरलाई गोलमा परिणत गर्नुभयो । रियल सोसीडाडका रोबिन ली नर्मान्डले हयाण्ड गर्दा बार्सिलोनाले पेनाल्टीको अवसर पाएको थियो ।
अलेक्जेण्डर इसाकले सोसीडाडका लागि गोल गर्ने उत्कृष्ट अवसर पाएपनि उहाँको प्रहार गोलपोष्टभन्दा टाढिएको थियो ।
बार्सिलोनाले २७ खेलबाट ५८ अङ्क जोडेको छ । दोस्रो स्थानको रियल मड्रिड भने २६ खेलबाट ५६ अङ्क बटुलेको हो ।
२०८१ मंसिर ९ आईतवार
