एजेन्सी
काठमाडौं, फागुन २६ गते । रियल बेटिसले रियल मड्रिडलाई स्तब्ध पारेको छ । स्पैनिस ला लिगाको उपाधि हात पार्ने होडमा रहेको रियल मड्रिडले बेटिससँग हार बेहोरेको हो ।
घरेलु मैदानमा रियल बेटिसले मड्रिडलाई २–१ ले हराएको हो । रियल बेटिसका लागि डा सिल्भा जुनियर र क्रिष्टियान टेल्लोले एक एक गोल गर्नुभयो । रियल मड्रिडका लागि करिम बेञ्जिमाले गोल फर्काएपनि शान्त्वनामा सीमित हुन गयो ।
शनिबार बार्सिलोनाले रियल सोसीडाडमाथि १–० को जित हात पार्दै दोस्रो स्थानबाट उक्लिदै ला लिगाको शिर्ष स्थानमा पुगेको थियो । बार्सिलोनाले २७ खेलबाट ५८ अङ्क जोडेको हो । रियल मड्रिडले गत साता नै बार्सिलोनालाई हराएर अङ्क तालिकाको शिर्ष स्थानमा पुगेको थियो । बार्सिलोनालाई उछिन्ने उपयुक्त अवसर रहेपनि रियल मड्रिडले रियल बेटिससँग पराजय बेहोरेपछि ऊ फेरी दोस्रो स्थानमा झरेको हो ।
रियल मड्रिडको २७ खेलबाट ५६ अङ्क छ । मड्रिडलाई हराएर रियल बेटिस भने २७ खेलबाट ३३ अङ्क बटुल्दै १२ औं स्थानमा उक्लेको छ । रिलेगेशन जोनबाट ऊ स्पष्ट १२ अङ्कको अग्रता लिएको छ । बेटिसले जारी सिजनमा आठौं जित दत्र्ता गरेको हो ।
२०८१ मंसिर ९ आईतवार
