एजेन्सी
काठमाडौं, फागुन ३० गते । आगामी साताका लागि निर्धारण गरिएको यूरोपीयन कपको जम्मै खेल स्थगित गरिएको छ । च्याम्पियन्स लिग र यूरोपा कप प्रतियोगिताको खेल आगामी साता हुने निर्धारण गरिएको थियो ।
च्याम्पियन्स लिगको अर्को चरणको तालिका सार्वजनिक गर्न तय गरिएको मिति पनि सारिएको छ । च्याम्पियन्स लिगमै यसै साताका लागि निर्धारित म्यान्चेष्टर सिटि र रियल मड्रिड, जुभेन्ट्स र लियोन, बार्सिलोना र नपोली तथा वार्यन म्युनिक र चेल्सीबीचको खेल पनि स्थगित गरिएको छ । यूरोपा लिगको म्यान्चेष्टर यूनाइटेड, वल्भ्स र रेन्जर्सको खेल पनि रोकिएको छ ।
यूईएफए युथ लिगको १७ र १८ मार्चका लागि तय गरिएको क्वार्टरफाइनलका खेल पनि रोकिएको छ । कोरोना भाइरस संक्रमणको सावधानी स्वरुप खेल स्थगित गरिएको यूईएफएले जनाएको छ । उसले समय सापेक्ष आगामी दिनमा पुर्नतालिका गरेको निर्णय सार्वजनिक गरिने जनाएको छ ।
यूरोपेली फुटबल सञ्चालन गर्ने निकाय यूईएफएका ५५ वटै सदस्यलाई थप बहस र छलफल गर्न मङ्गलबार बैठक बोलाएको छ ।
२०८१ मंसिर ९ आईतवार
